REA-Invite është pjesë e REA Marketing SH.P.K, Prishtinë. Përditësuar së fundi: 2026.
REA-Invite është platformë e ofruar nga REA Marketing SH.P.K, me seli në Prishtinë, Republika e Kosovës. Kudo që në këto kushte përmendet “ne”, “platforma” ose “REA-Invite”, nënkuptohet REA Marketing SH.P.K.
Duke krijuar llogari, duke bërë pagesë ose duke përdorur shërbimet tona, ju pranoni këto Kushte të Përdorimit.
REA-Invite ofron dy produkte kryesore: Ftesa online (ftesa digjitale me link personal për secilin mysafir dhe konfirmim pjesëmarrjeje) dhe QR Live Gallery (album privat ku mysafirët ngarkojnë foto e video përmes një kodi QR).
Demoja në faqe është falas dhe pa llogari. Ajo shërben vetëm për shikim dhe nuk përfshin ruajtjen e eventit, dërgimin e ftesave, mbledhjen e konfirmimeve apo ngarkimin e fotografive.
Për të krijuar një event duhet llogari me email të vlefshëm dhe verifikim me kod. Ju jeni përgjegjës për ruajtjen e kredencialeve dhe për çdo veprim të kryer nga llogaria juaj.
Për siguri, sesioni mbyllet automatikisht pas 3 minutash pa aktivitet.
Çmimet janë në euro (€) dhe paguhen një herë për një event — nuk ka abonim mujor dhe nuk ka rinovim automatik.
Pagesa kryhet përmes OneFor ose me kartelë Visa/Mastercard, në emër të REA Marketing SH.P.K. Të dhënat e kartelës procesohen nga ofruesi i pagesës dhe nuk ruhen nga ne.
Ofertat promovuese (p.sh. 50% zbritje për 10 klientët e parë) vlejnë deri në plotësimin e vendeve dhe nuk kombinohen me oferta tjera pa marrëveshje me shkrim.
Pas pagesës, eventi kalon në aprovim nga ekipi ynë. Personalizimi i plotë dhe publikimi i ftesës hapen pas aprovimit. Nëse pagesa dështon ose nuk konfirmohet, eventi mbetet në gjendje drafti.
Meqë nuk ka abonim, nuk ka çfarë të anulohet — thjesht nuk paguani më.
Rimbursim i plotë mund të kërkohet brenda 14 ditësh nga pagesa, me kusht që ftesat të mos jenë dërguar te mysafirët dhe QR Live Gallery të mos jetë aktivizuar. Pas dërgimit të ftesave ose aktivizimit të galerisë, pagesa nuk rimbursohet.
Kërkesat për anulim dërgohen përmes WhatsApp ose emailit zyrtar dhe procesohen brenda 14 ditësh pune.
Ju mbani të drejtat mbi tekstet, logot, fotografitë dhe materialet që ngarkoni. Na jepni një leje të kufizuar për t'i ruajtur dhe shfaqur ato vetëm për funksionimin e eventit tuaj.
Ndalohet ngarkimi i përmbajtjes së paligjshme, ofenduese, që cenon të drejtat e autorit ose privatësinë e personave të tretë. Ne mund të heqim përmbajtje të tillë dhe të pezullojmë eventin pa rimbursim.
Si organizator, ju jeni përgjegjës të informoni mysafirët se fotot e ngarkuara në QR Live Gallery shihen nga pjesëmarrësit e eventit.
Ne përpunojmë vetëm të dhënat e nevojshme: emrin, emailin, të dhënat e eventit, listën e mysafirëve dhe materialet e ngarkuara. Nuk i shesim dhe nuk i ndajmë me palë të treta për marketing.
Të dhënat ruhen për kohën e nevojshme të shërbimit dhe mund të fshihen me kërkesën tuaj pas përfundimit të eventit.
Bëjmë çmos që shërbimi të jetë i disponueshëm pa ndërprerje, por nuk garantojmë funksionim të pandërprerë gjatë mirëmbajtjes ose problemeve teknike jashtë kontrollit tonë.
Përgjegjësia jonë maksimale kufizohet në shumën e paguar për eventin përkatës.
Këto kushte mund të përditësohen. Versioni në fuqi është ai i publikuar në këtë faqe. Për çdo pyetje, na kontaktoni në WhatsApp ose në noreply@rea-invite.com.